lunedì 10 ottobre 2016

Il troi di Aquilee, libri di Christian Romanini

Al è un test di 128 pagjinis, cul titul “Il troi di Aquilee”, par 12 euros. Si trate di une sorte di pelegrinaç a pîts o in biciclete di Barbane a Grau fintremai a Mont Sante dal Lussari, par plui di 200 chilometris. Al è stât presentât a Udin li de Libreria Tarantola ai 6 di Otubar dal 2016, cun pocje int. Chei che a no jerin a àn pierdût une ocasion di culture e di turisim religjôs.

Christian Romanini e Elisabetta Pozzetto inte Librarie Tarantola di Udin pe presentazion dal libri. Fotografie di Elio Varutti

L’autôr al è Christian Romanini al à fat une biele presentazion graciis, in particolâr, a Giovanni Tomai pe ospitalitât inte librarie. Elisabetta Pozzetto, gjornaliste di chenti, e à compagnât Christian Romanini cun domandis sul gnûf libri, burît fûr ae fin dal 2015 e rivât ae seconde edizion. La cjase editorie e je Glesie Furlane di Vilegnove di San Denêl, provincie di Udin.
A son za stadis fatis une desene di presentazions vie pal Friûl di chest libri. Al è dedicât al fi dal autôr, di non Lorenzo, ma cuant che al à finît il libri al è rivât un altri frut, clamât Santiago. 
«Nol è un diari – al à dit Romanini – parcè che cui mei scrits o ai voie di stiçâ domandis e curiositât. Nol è nancje une vuide, dome un test par pensâ».
Cumò che al è “l'anno nazionale dei cammini” il 2016, Romanini al à zontât «Se us plâs cjaminâ e o volês fâ une esperience che us puarti a cognossi il teritori, ma ancje la storie dal Friûl, lait a dâ un cuc al sît www.camminoaquileiese.it/ita, il Cammino Celeste o come che mi plâs a mi "il Troi di Aquilee».
Il “Camino di Santiago” o la “Via Francigena”? «A son dal sigûr plui famôs – al è ancjemò l’autôr che al fevele – ma ancje cence lâ masse distant, si pues vivi esperiencis profondis, culì te nestre tiere». 
E al à displeât cussì: «Tal 2014 mi soi cjapât cualchi zornade e o soi partît di Barbane par rivâ fin a Madone di Mont, tocjant mâr, plane, culine e mont: insome, in cuatri dîs o ai viodût un biel toc di Friûl, di Barbane a Madone di Mont, par 70 chilometris e li mi soi fermât».
Tal libri si cjatin i intervents di pre Tonin Cjapielâr (premetidure di Barbane), de Associazion “Glesie Furlane”. Dopo al à scrit Gabriele Pelizzari (toc di Aquilee), professôr ae Universitât Catoliche di Milan. Al si ocupe dal toc di Dael, Enos Costantini, professôr e curadôr editoriâl de riviste “Tiere Furlane”. E po o vin Paolo Petiziol (toc di Cormons), consul de Republiche Ceche e president de Associazion “Mitteleuropa”. Par ultin si pues lei il scrit di pre Roman Michelot (toc di Madone di Mont - o Castelmonte, par talian), za president de “Patrie dal Friûl” e component di Glesie Furlane.

Se voleis viodi un toc dal libri in PDF, cricait culì:     ISBN 978-88-6064-064-2

A colaborin ae iniziative: Udine Turismo, Cammino Celeste, Friuli Venezia Giulia Turismo.

Ai 17 di Març dal 2017 mi àn segnalât il domini inzornât dal Cjamin Celesthttp://www.camminoceleste.eu/

Mape dal "Cammino celeste", det ancje "Il Troi di Aquilee", cu la linie rosse